विषय कोड : 1051 'MP'
NEB — कक्षा X
2082 MP
पुरानो प्रश्नपत्र
Social Studies Question Paper 2082 MP (पुरानो प्रश्नपत्र)
विद्यार्थीहरूले सकेसम्म आफ्नै शब्दमा उत्तर दिनुपर्नें छ । दायाँ किनारामा दिइएको अङ्कले पूर्णाङ्क जनाउँछ ।
उत्तीर्णाङ्क : 32
सबै प्रश्नको उत्तर दिनुहोस् ।
This पुरानो प्रश्नपत्र question paper is for Class 10 Social Studies, 2082 MP (subject code 1051 'MP'), carrying full marks of 75 with a pass mark of 32, to be completed within 3 Hours. Answers with step-by-step solutions are available for every question below.
समूह 'क'
तलका प्रश्नहरूको अति छोटो उत्तर दिनुहोस् :
नेपाल र नेपालीलाई विश्वमा चिनाउने कुनै दुई राष्ट्रिय गौरवको नाम लेख्नुहोस् ।
नेपालको मानव विकास सूचकांक वृद्धि गर्न कुन कदम चाल्नुपर्छ ? एक उपाय लेख्नुहोस् ।
समाजमा यौन विकृतिले पार्ने कुनै एक नकारात्मक प्रभाव उल्लेख गर्नुहोस् ।
घरेलु हिंसा नियन्त्रण सम्बन्धी चेतनामूलक नारा प्रस्तुत गर्दै प्लेकार्डको नमुना बनाउनुहोस् ।
वि.सं. २०४६ को ऐतिहासिक जनआन्दोलनको मूल लक्ष्य के रहेको थियो ?
वि.सं. २०१७ मा राजनीतिक दलहरूमाथि लगाइएको प्रतिबन्ध उचित थियो वा थिएन ? कारणसहित एक वाक्यमा स्पष्ट पार्नुहोस् ।
प्रत्यक्ष करको कुनै एक उपयुक्त उदाहरण दिनुहोस् ।
आफ्नो परिवारको आर्थिक उन्नति तथा समृद्धिका लागि ऊर्जाको प्रयोग कसरी गर्नुहुन्छ ?
हाल सक्रिय नरहेको संयुक्त राष्ट्रसङ्घको अङ्ग कुन हो ?
सामाजिक सञ्जालको प्रयोगलाई कसरी सुरक्षित बनाउन सकिन्छ ? एउटा उपाय लेख्नुहोस् ।
आफ्नो जीवनलाई स्वस्थ बनाउन तपाईँले गरेको कुनै एउटा अभ्यास उल्लेख गर्नुहोस् ।
समूह 'ख'
तलका प्रश्नहरूको छोटो उत्तर दिनुहोस् :
पहिचानले व्यक्ति र समुदायको विशिष्टतालाई जनाउँछ भन्ने तथ्यलाई उदाहरणसहित प्रस्ट्याउनुहोस् ।
नेपालमा सञ्चालित राष्ट्रिय गौरवका आयोजनामध्ये कुनै दुईको संक्षिप्त परिचय दिनुहोस् ।
'विश्व शान्तिका लागि विश्वबन्धुत्वको भावना' शीर्षकमा एक सम्पादकीय तयार पार्नुहोस् ।
ज्येष्ठ नागरिकलाई खुसी र सन्तुष्ट राख्न गरिनुपर्ने चार कार्यहरू लेख्नुहोस् ।
'लोकबाजा संरक्षण गर्नु हाम्रो दायित्व हो' यस भनाइलाई प्रस्ट पार्नुहोस् ।
दाइजो प्रथाले नेपाली समाजमा पारेका प्रभावहरू उल्लेख गर्नुहोस् ।
नेपालमा उपभोक्तालाई प्राप्त हुने कुनै चार अधिकार लेख्नुहोस् ।
उष्ण तृणभूमि र समशीतोष्ण तृणभूमि हावापानी क्षेत्रबिचको चारओटा भिन्नता उल्लेख गर्नुहोस् ।
सूचना प्रविधिलाई तपाईँले कुन कुन क्षेत्रमा कसरी प्रयोग गर्नुभएको छ ? चारओटा उदाहरण लेख्नुहोस् ।
भौगोलिक क्षेत्रका आधारमा नेपालको जनसङ्ख्या वितरण असमान हुनुका कारण लेख्नुहोस् ।
समूह 'ग'
तलका प्रश्नहरूको लामो उत्तर दिनुहोस् :
संसदीय शासन प्रणालीमा शक्ति पृथकीकरण र शक्ति सन्तुलनको आवश्यकता प्रस्ट पार्नुहोस् ।
प्र. २२. पृष्ठभूमिको नेपालको नक्सा कोरी निम्न तथ्यहरूलाई उपयुक्त सङ्केत प्रयोग गरेर भर्नुहोस् :
क) कालीगण्डकी नदी
(ख) शुक्लाफाँटा राष्ट्रिय निकुञ्ज
(ग) मध्यपहाडी लोकमार्ग
(घ) कञ्चनजङ्घा हिमाल
पृष्ठभूमिको दक्षिण अमेरिका महादेशको नक्सा कोरी निम्न तथ्यहरूलाई उपयुक्त सङ्केत प्रयोग गरेर भर्नुहोस् :
(क) पम्पास घाँसे मैदान
(ख) एन्डिज पर्वत शृङ्खला
(ग) अमेजन नदी
(घ) फोकल्यान्ड टापु