Social Studies Question Paper 2082 Gp (पुरानो प्रश्नपत्र)

नेपालको झण्डामा प्रयोग भएको कुन रङ शान्तिको प्रतीक हो?

नेपालको मानव विकास सूचकाङ्कको अवस्थामा सुधार गर्न के गर्नुपर्ला? कुनै एक सुझाव दिनुहोस्।

घरेलु हिंसा हुन सक्ने एक कारण लेख्नुहोस्।

मानव बेचबिखन विरुद्ध जनचेतना जगाउने एउटा नारा तयार पार्नुहोस्।

वि.सं. २०३७ वैशाख २० गते भएको जनमत सङ्ग्रहमा नागरिकलाई दिइएका दुई विकल्प के के थिए?

वि.सं. २००७ सालमा प्रजातन्त्र स्थापनापछि पनि सरकारको नेतृत्व राणा प्रधानमन्त्री मोहन शमशेरले नै गर्नु ठिक थियो या थिएन, किन? एक वाक्यमा तपाईंको विचार लेख्नुहोस्।

बिमाको एक महत्त्व लेख्नुहोस्।

तपाईं कुनै एक सहकारी संस्थाको अध्यक्ष बन्नुभयो भने उक्त संस्थाका सदस्यहरूको विश्वास जित्न के गर्नुहुन्छ? एक वाक्यमा लेख्नुहोस्।

संयुक्त राष्ट्रसङ्घको सुरक्षा परिषद्मा विशेषाधिकार (भिटो) प्रयोग गर्न सक्ने कुनै दुई राष्ट्रको नाम लेख्नुहोस्।

सूचना तथा प्रविधिको प्रयोगले तपाईंको दैनिक गतिविधिमा कसरी सहजता ल्याएको छ? एक वाक्यमा स्पष्ट पार्नुहोस्।

तपाईं आफ्नो समुदायमा उपलब्ध स्वास्थ्य सेवाको उपयोग कसरी गर्नुहुन्छ?

"व्यक्तिलाई असल र जिम्मेवार नागरिक बनाउन सामाजिकीकरणले सहयोग पुर्याउँछ" यस भनाइलाई उदाहरणसहित स्पष्ट पार्नुहोस्।

दिगो विकास भनेको के हो? यसका कुनै तीन आयामको छोटकरीमा वर्णन गर्नुहोस्।

लोकगीतको संरक्षण र संवर्धनमा युवापुस्ताको भूमिका' शीर्षकमा एउटा सम्पादकीय तयार पार्नुहोस्।

"वर्तमान विश्वमा विश्वबन्धुत्व र मानवताको आवश्यकता रहेको छ।" यस भनाइलाई स्पष्ट पार्नुहोस्।

"राष्ट्रिय दिवसहरू औपचारिकताका लागि होइन, ती दिवसका मर्मअनुसार मनाइनुपर्छ।" कुनै एक राष्ट्रिय दिवसको सन्दर्भमा यस भनाइलाई पुष्टि गर्नुहोस्।

"सामाजिक समस्या तथा विकृति समाज रूपान्तरणका बाधक तत्त्वहरू हुन्।" यस भनाइलाई उदाहरणसहित स्पष्ट पार्नुहोस्।

मानव अधिकार संरक्षणमा कार्यरत सङ्घसंस्थाहरूमध्ये कुनै एकको नाम लेखी उक्त संस्थाले गर्ने तीनओटा कार्य उल्लेख गर्नुहोस्।

सामुद्रिक दुरी र जमिनको उचाइले हावापानीमा कसरी प्रभाव पार्छन्? उदाहरणसहित स्पष्ट पार्नुहोस्।

हालसालै देशभित्र वा विदेशमा घटेको कुनै एक महत्त्वपूर्ण घटना समेटी समाचारको नमुना तयार पार्नुहोस्।

गुणस्तरीय जीवन भनेको के हो? यसका आधारहरूको सूची बनाउनुहोस्।

निर्वाचनमा जनताको मत प्राप्त गर्नका लागि राजनीतिक दलले कस्तो भूमिका खेल्नुपर्छ? सात सुझाव दिनुहोस्।

पृष्ठभरिको नेपालको नक्सा कोरी निम्न तथ्यहरूलाई उपयुक्त सङ्केत प्रयोग गरेर भर्नुहोस्:

(क) पशुपतिनाथ मन्दिर

(ख) माछापुच्छ्रे हिमाल

(ग) जुट उत्पादन क्षेत्र

(घ) मध्यपहाडी लोकमार्ग

पृष्ठभरिको दक्षिण अमेरिका महादेशको नक्सा कोरी निम्न तथ्यहरूलाई उपयुक्त सङ्केत प्रयोग गरेर भर्नुहोस्:

(क) फोकल्यान्ड टापु

(ख) अमेजन नदी

(ग) एन्डिज पर्वत श्रेणी

(घ) पम्पास घाँसे मैदान

दोस्रो विश्वयुद्धका छओटा कारण उल्लेख गरी कुनै दुईको व्याख्या गर्नुहोस्।

'नेपालमा जलविद्युत्को सम्भावना' शीर्षकमा दुई साथीबिचको संवाद तयार पार्नुहोस्।