NEB Question Browser

वाच्य परिवर्तन गर्नुहोस् :

हामी यसपालि बिदामा रारा ताल घुम्न जान्छौँ । त्यहाँको प्राकृतिक सुन्दरतामा रमाउँछौँ । रिसोर्टमा बसेर नाचगान गर्छौं । दुई दिनको बसाइपछि हामी घर आउँछौं ।

स्वदेशी तथा विदेशी पुँजीको परिचालन केका लागि गर्नुपर्छ ?

सम्भावनार्थक क्रियापदको प्रयोग गरी चार वाक्यमा आफ्नो भावी योजनाको वर्णन गर्नुहोस् ।

तलका वाक्यलाई एकवचन भए बहुवचन र बहुवचन भए एकवचनमा परिवर्तन गर्नुहोस् :

मेरो साथी पोखरा घुम्न गयो । उसले त्यहाँको रमाइलो ठाउँ घुम्यो । उनीहरूले फेवा तालमा नौका विहार गरे । उनीहरूलाई पोखराका रमाइला दृश्यहरूले निकै लोभ्याए ।

ले, लाई, बाट, देखि, द्वारा, को, नो, मा विभक्तिहरूको प्रयोग गरी आफूले घुमेको एक रमाइलो ठाउँको चार वाक्यमा वर्णन गर्नुहोस् ।

तलको अनुच्छेदबाट तीनओटा समस्त शब्द र तीनओटा द्वित्व व्युत्पन्न शब्द खोजी तिनको निर्माण प्रक्रिया देखाउनुहोस्:

गाउँठाउँमा मानिसहरू एक आपसमा सरसहयोग गरी मिलिजुली बस्छन् । गाउँघरमा छरछिमेक र इष्टमित्रहरू सबै आ-आफ्नो कामकाजमा साँझबिहान सक्रिय हुन्छन् । कसैलाई खनखाँचो पर्यो भने रातदिन नभनी मरमद्दत गर्न सबै जना मनवचनले अग्रसर हुन्छन् ।

गरिबी न्यूनीकरणका उपाय के के हुन् ?

अर्थतन्त्रलाई सुदृढ गर्न कस्ता उपाय अपनाउनुपर्छ ?

तलको अनुच्छेदबाट दुईओटा तत्सम र दुईओटा आगन्तुक शब्द पहिचान गरी लेख्नुहोस् :

मोबाइल एक इलेक्ट्रोनिक साधन हो । सहर बजारका पसल पसलमा यसको बिक्री गरिन्छ । यसबाट मानिसलाई सूचना संप्रेषण गर्न सहज भएको छ ।

तलको अनुच्छेदमा रेखाङ्कन गरिएका शब्दको पदवर्ग पहिचान गरी लेख्नुहोस् :

विविधता नै नेपालको पहिचान हो भन्ने कुरामा त हामी स्पष्ट भयौं । यो विविधता समस्या नभएर सम्पत्ति हो भन्ने कुराचाहिँ अलि बुझिएन नि ।

तलको अनुच्छेदबाट एउटा उखान र एउटा टुक्का पहिचान गरी तिनलाई वाक्यमा प्रयो गर्नुहोस् :

हाम्रो समाज आलु खाएर पेडाको धाक लगाउने र कुरा काट्ने प्रवृत्ति निकै बढेको देखिन्छ । यस्तो प्रवृत्ति बढ्दै गएमा समाजले काँचुली फेर्ने कुरा त आकाशको फल आँखातरी मर भनेझैँ पो हुन्छ ।

तलको अनुच्छेदबाट एउटा पारिभाषिक शब्द र एउटा अनुकरणात्मक शब्द पहिचान गरी तिनलाई वाक्यमा प्रयोग गर्नुहोस् :

कम्प्युटरमा भाइरस संक्रमणबाट मर्मत हुन नसकेका फाइललाई एन्टिभाइरस गोर्खेले प्रविधिज्ञलाई खुरुखुरु डिलिट गर्न सुझाब दियो । आफ्नो काम सकेर मुसुमुसु हाँस्दै ऊ लुरुलुरु बाटो लाग्यो ।

उपभोक्ताको हकहितको संरक्षण कसरी गर्न सकिन्छ ?

बजार अनुगमनलाई तीव्र बनाउनु किन आवश्यक छ ?

तलको दिएको अनच्छेद पढी मुख्य मुख्य चार बुँदा टिपोट गर्नुहोस् र एकतृतीयांशमा सारांश लेख्नुहोस् :

कविता विचार र भावनाको लयबद्ध कलात्मक भाषिक अभिव्यक्ति हो । कविताको संरचनामा विचार, भावना, लय र भाषा संरचकका रूपमा रहेका हुन्छन् । यी संरचकमध्ये विचार वा भावना र भाषा साहित्यका अन्य विधा कथा, उपन्यास, निबन्ध आदिको संरचनामा पनि रहन्छन् । विचार एवम् भाषा कविता र अन्य विधाका साझा संरचक हुन् भने लयचाहिँ कवितामा मात्र रहने भएकाले यो कविताको विधा परिचायक संरचक हो । लयकै कारणले कवितामा गेयात्मकता हुन्छ । लयकै आधारमा कविता गद्य कविता, पद्य कविता र लोक कविता गरी तीन प्रकारका छन् । गजल र गीत पनि पद्य कविताकै भेद हुन् । पद्य कविताको लघुरूप मुक्तक हो । गद्य कविता मुक्तलयमा संरचित हुन्छ । पद्य कविता, गीत र गजल बद्धलयमा संरचित हुन्छन् । लोकगीत र लोककविता चाहिँ लोकलयमा संरचित विधा हुन् । पद्य कविता र गजलमा लयको काम छन्दले गर्ने हुनाले यिनलाई छन्दोबद्ध कविता पनि भनिन्छ । छन्द र बहरको ढाँचा फरक फरक हुने भएकोले पद्य कविता र गजलको संरचनामा भिन्नता हुन्छ ।

तपाईंको गाउँ वा टोलमा खानेपानीको उचित प्रबन्ध हुन नसक्दा त्यसबाट पैदा भएका समस्याका बारेमा सम्बन्धित पक्षको ध्यानाकर्षण गराउनका लागि कुनै एक स्थानीय पत्रिकाका सम्पादकलाई चिठी लेख्नुहोस् ।

पाठ्यक्रम विकास केन्द्र सानोठिमी, भक्तपुरबाट आफूले पाउनुपर्ने विभिन्न बैठक भत्ता बापतको रकम लिन कार्य व्यस्तताले गर्दा उपस्थित हुन नसकेको व्यहोरा उल्लेख गरी साथीमार्फत उक्त रकम उपलब्ध गराइदिन अनुरोध गर्दै कार्यालय प्रमुखलाई मन्जुरीनामा लेख्नुहोस् ।

आफ्नो विद्यालयको वार्षिकोत्सवका अवसरमा आयोजित कार्यक्रमका बारेमा १५० शब्दसम्मको प्रतिवेदन तयार पार्नुहोस् ।

'मूल्यवृद्धिले उपभोक्तालाई पारेको असर' शीर्षकमा १५० शब्दसम्मको टिप्पणी लेख्नुहोस् ।

जीवन एउटा नटुङ्गिदो यात्रा रहेछ ।