NEB Question Browser

राम्रो समाचार बन्नका लागि के के चाहिन्छ ?

हाल स्थायी सेवाको खरिदार पदमा जिल्ला प्रशासन कार्यालय, पर्सामा कार्यरत श्री लामु भोटियाले यसअघि करार सेवाको खरिदार पदमा कार्यरत रहँदा जिल्ला प्रशासन कार्यालय, पाँचथरबाट लिन बाँकी एक महिनाको तलब लिन आफू उपस्थित हुन नसकेकाले साथी सुहाङ स्याङ्बोलाई उपलब्ध गराइदिनुहुन अनुरोध गर्दै लेखिने मन्जुरीनामाको नमुना तयार पार्नुहोस्।

मरेपछि गरिने काजक्रिया र दानदक्षिणासम्बन्धी अष्टनारानको विचार तपाईँलाई कस्तो लाग्यो ? प्रतिक्रिया लेख्नुहोस् ।

जति बढ्यो उति बाँकी हिमचुली शिखर
नदेखेको कुरा हेर्न हामीलाई रहर ।

दिइएको कथांश पढी सोधिएका प्रश्नहरूको उत्तर लेख्नुहोस् :

अक्षता हेरे झैँ पत्रिकाका फाइल हेर्दै हार्डडिस्कमा राख्दै गर्न थाल्यो एन्टिभाइरस गोर्खे । आधाजति पुयाएपछि राक्षस जस्तो घिनलाग्दो देखिने भाइरस भेट्यो । झोलाबाट खरानी निकाल्यो । मन्त्र फुकेर रेखा हाल्यो । त्यस भाइरसलाई उठाएर खरानीको घेराभित्र थेचान्यो । फेरि स्क्यान गर्न थाल्यो । स्क्यानिङ गर्न थालेपछि केही भाइरस भागेर कुना कुनामा पस्दा रहेछन् । करिब एक लाख फाइल स्क्यान गरेपछि पाँच थरीका भाइरस भेट्यो । ती भाइरसले लगभग चार सय फाइलमा सङ्क्रमण गरेका थिए । थुप्रै फाइल मर्मत भए, मर्मत हुन नसकेकालाई एन्टिभाइरस गोर्खेले डिलिट गर्न सुझाव दियो । पेशलले 'ओके' लेखेका ठाउँमा माउसको चुच्चो लगेर थिच्यो । भाइरसले बिगारेका र मर्मत हुन नसकेका फाइल जति स्वात्तै उडायो ।

अ. ‘भाइरसलाई उठाएर खरानीको घेराभित्र थेचान्यो' भन्नुको तात्पर्य के हो ?

आ. गोर्खेले कम्प्युटरलाई भाइरसमुक्त बनाउनका लागि गरेका क्रियाकलाप के के हुन् ?

संयुक्त राष्ट्र सङ्घले संसारका सबै देशलाई सहकारिताको स्थापना र सञ्चालन गर्न दिएको सुझावबारे आफ्नो प्रतिक्रिया लेख्नुहोस् ।

नेपालका सांस्कृतिक सम्पदा

मेरो भविष्य

दिइएको अनुच्छेद पढी मुख्य मुख्य चारओटा बुँदा टिपोट गर्नुहोस् र एकतृतीयांशमा सारांश लेख्नुहोस् :

कुनै पनि देशको मुख्य परिचायक तत्त्व भनेको संस्कृति हो। नेपाल पनि आफ्नै मौलिक संस्कृतिका कारण विश्वमा सुविख्यात चिनिएको छ। नेपाल बहुजातीय र बहुसांस्कृतिक देश हो। नेपालमा बसोबास गर्ने सबै जातिका आआफ्नै संस्कृति छन्। खस, नेवार, राई, गुरुङ, तामाङलगायत सबै जातिका आआफ्नै संस्कृति छन्। सर्वप्राचीन वैदिक संस्कृतिको आधारभूमि र संसारमै लोकप्रिय बनेको बौद्ध संस्कृतिको उद्गमस्थलका रूपमा नेपाल रहेको छ। नेपाली संस्कृतिमा म खाउँ, म लाउँको स्वार्थी भावना नभई सबै निरोगी र सुखी होऊन् अनि सम्मानपूर्वक बाँच्न पाऊन् भन्ने उच्च मानवीय भाव रहेको छ। नेपालमा रहेका सबै जातिका संस्कृतिको साझा विशेषता चाहिँ प्रकृतिलाई कुनै न कुनै रूपमा पूजा गर्नु हो। यस्तै आमाबुवा, पाहुना र गुरुलाई देवता मान्ने संस्कृति नेपालको साझा संस्कृति हो। यसै संस्कृतिका कारण नेपालीहरू समाजमा वन्दनीय, आदरणीय र स्मरणीय बनिरहेका छन्। उन्नत संस्कृति सूचक प्रगति सधैँभरि हो। यसले शान्तिमा सन्तुष्टि प्रदान गर्छ।

तलका वाक्यहरूलाई प्रत्यक्ष कथनमा परिवर्तन गर्नुहोस्:

शिक्षकले विद्यार्थीलाई उनको पढाइ राम्रो भएको बताउनुभयो।
विद्यार्थीले शिक्षककै प्रेरणाबाट त्यस्तो भएको बताए।
शिक्षकले उनलाई मेहनत भएको भन्नुभयो।
विद्यार्थीले सधैँ मेहनत गरिरहने प्रतिज्ञा गरे।

दिइएको अनुच्छेदबाट तीनओटा समस्त शब्द र तीनओटा द्वित्व व्युत्पन्न शब्द पहिचान गरी समस्त शब्दको विग्रह र द्वित्व व्युत्पन्न शब्दको निर्माण प्रक्रिया देखाउनुहोस् :

आल्तुफाल्तु कुरामा चासो नदिइ बुबाआमाले भनेको काम गर्नु सबैको कर्तव्य हो । रातदिन मेहनत गर्न सके मात्र जीवन अनमोल हुन्छ भन्ने विश्वास गर्नुपर्छ । हामी आफ्नो ठाउँलाई महत्त्व दिएर आआफ्नो पेसामा समर्पित भई कामकाज गर्नुपर्छ । दुईजिब्रे मानिसका कुरालाई वास्ता गर्दा दुखैदुख पाइन्छ भने परिवारलाई मायाको त्रिवेणी ठानेर रमाउँदा भाग्योदयका ढोका खुला हुन्छन् भन्ने विश्वास गरिन्छ ।

उपर्युक्त अनुच्छेदको उपयुक्त शीर्षक के हुन सक्छ ?

कस्तो विषयवस्तु समाचार बन्न सक्छ ?

आमाको सपना के हो ? त्यो कसरी साकार हुन सक्छ ? 'आमाको सपना' कविताका आधारमा समीक्षात्मक उत्तर लेख्नुहोस् ।

दिइएको अनुच्छेदबाट एउटा उखान र एउटा टुक्का पहिचान गरी तिनलाई वाक्यमा प्रयोग गर्नुहोस् :

हुने बिरुवाको चिल्लो पात बनेर ऊ सानैदेखि समाजमा अनुशासित व्यक्तिका रूपमा चिनिएको थियो। ठुलो भएपछि पनि ऊ सधैँ समाजमा नाक राख्नुपर्छ भन्दै दिन काट्थ्यो। भेला भएका गाउँका मानिसलाई सद्भावसहित सल्लाह दिन्थ्यो। सल्लाह नसुनी कानमा तेल हालेर बसेकालाई ऊ खोलो तर्नु लौरो बिर्सनु गयो भने अन्ततः पीडा भोग्न बाध्य भइन्छ भन्ने सम्झाउँथ्यो।

'अव्यवस्थित सहरीकरण र यसको असर' शीर्षकमा १५० शब्दमा नघटाई टिप्पणी लेख्नुहोस्

तपाईं सहभागी भएको कुनै साहित्यिक कार्यक्रमका गतिविधिलाई समेटी १५० शब्दमा नघटाई प्रतिवेदन लेख्नुहोस्

प्रकृतिसित जुध्नु नै जीवनको रमाइलो हो ।

उकालीको चिसो पानी अँजुलीले खाउँला

देउरालीको बिसौनीमा सुसेलीले गाउँला ।

आफ्नो जग्गामा स्वास्थ्य चौकी निर्माण गर्नका लागि वडा कार्यालयलाई दिइने मन्जुरीनामाको नमुना लेख्नुहोस् ।